Atal honetan ardoarekin zerikusia duten hainbat gomendio eskainiko ditugu oso era didaktikoan. Hilabete hasieran hainbat aholku emango dizkizuegu:
.
EKAINA: ZERGATIK ETA NOLA DEKANTATZEN DEN ARDOA

Dekantatzea botila bat ardo dekantagailura edo pitxarrera intsuldatzea da.
Ardoa dekantatzeko bi arrazoi daude:

  

 
     
 

1.- Denborak botilan sortu duen liga bereiztea.


2.- Ardoa oxigenatzea, zabaltzea; horrela, ardoak dituen aromak haizatzen dira.
     
 

Botila arretaz erabiliko dugu, liga (baldin badago) hondoan gera dadin. Horretarako zumezko edo metalezko otzaratxoak erabil daitezke.

Dekantatu aurretik komeni da dekantagailua ardoztatzea, hau da, ardo apur bat bertan isuri eta ondo eragitea, dekantagailua garbitzeko.
     
 

Ardoa haizatzeko dekantatu nahi badugu, bi modutan egin daiteke:

1.- Ohiko dekantazioa: ardoa kontu handiz intsuldatu behar da dekantagailuaren paretan behera.
   
 

 


2.- Jotzearen bidez. Aroma-konplexutasunagatik haizatze handiagoa behar duten ardoekin egiten da.
     
  Dekantazioaren xedea liga bereiztea bada, kandela bat erabiliko dugu. Kandela botila-lepoan ipiniko dugu, eta haren argiari esker, liga noiz iristen den ikusiko dugu; orduantxe utziko diogu dekantatzeari.