Atal honetan ardoarekin zerikusia duten hainbat gomendio eskainiko ditugu oso era didaktikoan. Hilabete hasieran hainbat aholku emango dizkizuegu:
.
Urtarrila-Otsaila: BOTILA DEGOLLATZEA
Botila degollatzea botilaren lepoa kortxoa barruan duela moztea da. Eragiketa hori oso ohikoa da Oporto ardoen kasuan, batez ere vintage deiturikoetan, oso ardo zaharretan, alegia. Oro har, ardo horietan kortxoa hondatuta egoten da eta kortxo-ateratzekoaren espirala sartzean kortxoa apurtu edo beherantz egiteko arriskua dago, eta hori gertatuta, ardoa kortxo partikulaz beteko genuke. Ikus dezagun, urratsez urrats, nola egiten den:

 

Botilaren beira apurtzeko, beroa eta hotza erabiliko ditugu. Kurrikak eta pintzela behar ditugu; kurrikak oso tenperatura altuan egon behar dute eta ur hotzetan sartuko ditugu.

     
 

Kurrikak berotzeko, gas-bonbonak ematen duen sutan ipini behar ditugu.
     
 

Kurrikak oso tenperatura altuan daudenean, kortxoaren eta ardoaren artean dagoen tartean ipini behar ditugu, botila 2 minutuz “besarkatuko” dugu horrela, botilak ere tenperatura altua har dezan.
     
 
Tarte hori iragandakoan, kurrika beroak kendu eta pintzela ipiniko dugu. Pintzel hotza ipintzean, berotik hotzerako kontrasteak beira apurtu egingo du, ebaki garbia utziz.