Orrialde nagusian agertzen den dastatzeko teknika ikasitakoan, “saia zaitez” atal honetan ardo-mota desberdinen ezaugarriak bereizten ikasiko duzue. Aipatzen ditugun botila ardoak lortu besterik ez duzue (ardo eskuragarria gomendatzen ahaleginduko naiz), eta ondoren, ardoa eskuetan duzuela, ordenagailuaren aurrean jarri.
IRAILA - URRIA

 

 

Viña Mein 2004 Mahats-barietatea, % 80 Treixadura, eta gainerakoa: godello, albariño, lado, loureira eta torrontes.
Gutxi gorabeherako prezioa: 8,5 euro

 

 

 
  Iritsi da garaia. Sasoi honetan, ipar hemisferioko hainbat tokitan, hasiak dira 2005eko mahatsa biltzen. Ilusio handiko egunak dira, baina baita urduritasun handikoak ere. Izan ere, urte osoko lanaren emaitza jasotzeko unea da.
Gaur, 2004ko ardo zuri freskoa gomendatu nahi dizuet, oso aromatikoa da eta kontsumorako unerik egokienean dago.

KOLOREA: kopa ondo zuri baten gainean 45º makurtzean kolore-xehetasun desberdinak antzemango ditugu.

 
Lasto-kolore distiratsua. Ez da karbonikorik antzematen (hartzidurak eragin eta ardo gazteetan antzematen diren oso burbuila txikiak).

USAIMENA
 
Usaimenean garbia eta freskoa. Ardoa usaintzean, sudurra zabaldu egiten zaigu freskotasunaren eraginez. Aroma-motei dagokienez, batez ere fruta-aromak antzemango ditugu. Sagar heldua, irasagarra eta anana-hondoa. Ondoren, lore-aromak antzemango ditugu (lore zuriak), oso ondo integratutako landare-amaierarekin.
ZAPOREA
 

Ardo honetan gehien nabarmentzen dena zapore-oreka da seguru asko.
Sarrera lehorra baina gozotasun-ukituarekin. Koipetsua, glizeridoa, gorpuzduna (ahoa betetzen duelako zentzazioa). Azidotasun-ukituari eusten dio eta gero desagertu egiten da eta amaierako garraztasun zentzazio atsegina uzten digu. Sudur atzeko bidea oso luzea, baita ukimen-zentzazioetan ere (irentsitakoan aho inguruan oroimena geratzen da).
LABURPENA
Txapela kentzeko moduko ardoak. Ardo garbiak dira, aroma-potentzia eta ahoko zentzaziodunak, barietate autoktonoekin eginak. Ardo hauek aipatzeko modukoak dira zentzazio gehiago eman arren, agian, tipizitatea errespetatzen ez duten barietateek globalizatu gabekoak direlako.