Hainbat aroma antzematen dira. Hasieran ardo itxia dela dirudi, horregatik gomendatzen dut ardoa dekantatzea, filma hasita dagoela ikusteak ardura ez badizue behintzat. Azalduko dizuet: duela egun batzuk, ardogile ospetsu batek esan zidan bera gero eta kritikoagoa zela dekantazioarekin, botila zabaltzean irteten diren aromak ardoaren gidoiaren atala direlako. Haren iritziz, ardoa dekantatzean aroma horiek galdu egiten ditugu. Nik azalpena eman dut, inork gogoeta egin nahi badu.

Ardoa aroma-potentzial handikoa da. Fruta heldua nabarmentzen da, gozoa, andere-mahatsa gogorarazten du. Lehenengo mailako aromekin jarraituz, Ribera ardoetan oso ohikoa den landare-hondoa antzematen da. Bigarren mailan, zuraren aroma xigortuak, espeziak (kanela), zedroa eta mineralak.

Sarrera lehorra, lehenengo inpresioan tanizitatea antzematen da (muturrean eta oietan lehor-zentzazioa), ondoren, mihiaren atzeko aldean, mingostasuna ekartzen du. Uzten duen berotasunaren eraginez, alkoholaren sentsazioa nabaritzen da. Sudur-atzeko bidean lehenik eta behin fruta nabarmentzen da, eta ondoren xigortuak. Ardoa irentsitakoan, tanizitatearen eta gorputzaren (ahoa betetzen duelako zentzazioa) eraginez, luzea da.