Egilea: Mikel Garaizabal
 
“Euskal Herriko Ardoak” liburuarekin, ardoei buruzko munduko liburu didaktikorik onenari emandako Gourmand 2003 saria irabazi zuen Mikel Garaizabalek. Sari ospetsu hori gastronomia-liburuen Oscar saria dela esaten da. Horrez gain, beste bi liburu ere argitaratu ditu: “Mahatsaren Orpotik Dator” eta “Ardobidez”
Mikel Garaizabal Pildainek Ostalaritza eta Turismoko titulua lortu zuen Leioan, Enologia eta Bitikulturako titulua Guardiako Ardogintza Eskolan, eta sommelier ikasketak egin zituen Madrilgo Merkataritza Ganberan.
Hainbat argitalpen eta komunikabidetan ohiko kolaboratzailea da: EITB taldean –emisio irekietan nahiz web gunean– Berria egunkarian, Txoko del Sibarita aldizkarian, etab. Gaur egunera arte 300dik gora dastaketa, ikastaro eta hitzaldi eman ditu, bai estatuan bai atzerrian. Horrez gain, Gasteizko Gamarrako Ostalaritza Eskolan irakasle ere bada.
Mendraka Txakolina upategietako enologoa da, eta ostalaritzako hainbat establezimendutan arlo teknikoko aholkularia ere bai, Euskal Herriko Unibertsitateko Farmazia Fakultateko dastatzaile-taldeko kidea eta Bizkaiko Txakolina jatorri-deiturako dastaketa-batzordeko kidea da. Gainera, ardoarekin zerikusia daukaten hainbat proiektutan esku hartzen du, Bizkaiko Txakolinaren Museo berrian, kasu; hango zuzendari tekniko baitihardu.
 
Web gunearen diseinua: Logela multimedia
Liburua

Era didaktiko, irakurterraz eta ulerterrazean ardoari buruz gehiago jakin nahi baduzu, Mikel Garaizabalen azkeneko liburura jo dezakezu.
Liburuak Gourmand 2003 saria irabazi zuen ardoei buruzko munduko liburu didaktiko onena izateagatik. Euskal Herriko Ardoak – Vinos de Euskal Herria euskaraz eta gaztelaniaz idatzita dago, argazki eta eskema asko ditu eta 5 ataletan banatuta dago: mahastizaintzako et a ardogintzako eskualdeak, ardogintza, ardoak ekoizteko prozesua, dastaketa eta euskara eta gaztelaniako 500dik gora hitz dituen hiztegia, hitzen azalpen laburra eta frantsesezko ordaina dituena.
Zure Iritzia
Tituloa
Iritzia

 
   
  Aupa Mikel:
Ardoaren web orrialdea bisitatu dut eta nere iritzia nahiko ona da.
Aurretik ezagutzen dut zure lana. Orain 3 urte (uste dut) Durangoko Liburu
Azokan (auskalo zuri zuzenean) han jarritako standnean MAHATSAREN ORPOTIK
DATOR gida erosi nuen.
Uste dut webgune honek liburu horretan (gutxi gora behera) onairritzen dela.
Beste gauzak berriak daude. Ardoen arteko konparaketak etab...
Oso ondo dago ardoen munduko oinarrizko ezagupena lortzeko. Gidan bezala.
Euskal Herriko ardoen atalak falta somatzen dut. Ez legoke txarto gure
ardoen propaganda ona egitea, bereziki Errioxako ardoak agitz ezaguna ez
diren beste ardoak (Irulegikoak, txakolinak, nafarrak ...)
Baina beste gomendio bat gustatuko litzaidake zuri luzatzea. Webgunera
sartzerakoan nahi eta nahi ez gaztelerazko orrialdera daramakigu, euskara
eta ingelesan bigarren mailako aukera bezala utzita.
Euskaltzale bezala biok badakigu euskaldunek geure hizkuntza normaltasunez
erabiltzeko ditugun zailtasunak eta oztopoak. Hasierako orrialdea, atarikoa,
gazteleraz izatea, hori zihur aski ekarriko du euskaldun asko eta askok ez
direla euskaraz dagoen orrialdera zuzenduko.
Baina zihurtasunez euskara hasierako orrialde baldin bada euskaldun kopuru
handiago bat geldituko dela euskararren aukeran.
Igual aukera hau ez duzu konbenigarria ikusten, nahi duzulako ikusle edo
erabiltze talde askoz zabalago batentza zuzendu.
Baina gazteleraz edo ingelesez bakarrik dakitenek badute euren hizkuntzak
erreztasunez erabiltzeko aukera baina euskarari abantaila txiki bat utziz.
Horrela euskaldunen bizkarrean askotan daramagun diglosiaren zama astuna
apur bat arintzea dela uste dut. Berriro diot horrela erabiltzaile
euskaldunen kopurua askoz handiagoa izango dela konprobatua dago, beste
hainbat webgunetan non euskara lehen aukera denean.
Edo gutxienez webgunean atariko orrialdean hiru hizkuntzak maila berdinean
aukeratzeko egoera ere ez legoke ere txarto.
Hori da gure hizkuntzari laguntza txikitxo bat ematea.
Besterik gabe, agur bero bat eta zure lanagatik zorion handi handi bat.
Julen Erostegi Esturo (Bilbo)
   
  Zorionak Mikel, oso ide bikaina iruditu jata, kata virtual honen kontua. Egingo dogu berba.
Inaki San Juan
   
  aupa Mikel!
etengabe zabitz!!! ederto horrela behar du izan...azkeneko teknologietara
moldatzen eta ederto gañera...TELEBERRIn ere azaldu zara...zu bai zarela
komunikatzaile ona, Ainhara eta biok aspaldi antzeman genuen.
ba hori ni betiko lez, akaso egunen baten zugaz geratu eta elkarrizketatxo
bat egiten dugu bale? NAFARROAn foru legea aplikatu nahi dutela eta BRANDYA
baita belarrietatik aterako zaigula edo zer?
   
  muxu handia eta txakolin on!
laster arte
Kaitin
   
  Kaixo, agian ez da eskaera egokiena baina, honako galdera egin nahi dizut.
Ezkontza baten har litekeen ardo beltz mota. Guk erreserba ardo beltz bategaz pentsatu dugu.
Mesedez orientabide bezala zerbait argituko bazenigu.
Besterik gabe, eskertuz adio.
   
  Oso ideia ona iruditzen zait web orri honena, zorionak!
Noizko euskerazko dastaketa klub bat?
Ni behintzat apuntatuko nintzateke.
Beñat Irasuegi – ardozalea
   
  Zorionak Mikel:
Interneten ez nauk oso mugimenduen za
lea abiada asko moteltzen dutelako eta, gainera, uste dudalako dinamismoa edukietan behar dela.Baina hire esperimentuak erakusten dik badagoela mugimenduen erabilera bat oso komunikatiboa, azkartasuna sakrifikatu gabe.
Liburua bikaina izan zuan. Animatzen dut jendea eros dezan eta orri hau ere parekoa duk. Ez haiz makala tokaio
Mikel Irizar
   
  Nire gusturako gauza on asko dauka web orriak batez ere gutxi dakigu eta ikasi nahi dugunentzako informazio garbi bezain erakargarria. Kritika bakarra, batzuetan agertzen den letra txikia irakurtezina nire uztez. ondo izan.
Joseba